Valsad, Mangoes, Verities, information

 Valsad, Mangoes, Verities, information 

અહીં અમે કેરી અને ઉપલબ્ધતા વિશે કેટલીક માહિતી આપી છે.

      કેરીની 1,000 થી વધુ વિવિધ જાતો છે, પરંતુ કેટલીક જાતો, જેમ કે આલ્ફોન્સો, કેસર અને બદામી - જે તમામ મૂળ ભારતના છે - બાકીના કરતા અલગ છે. કેરીની સિઝન થોડા અઠવાડિયા જ ચાલે છે. આટલા ઓછા સમયમાં બને તેટલી કેરી ખાવા માટે, એક જ વિકલ્પ છે કે તમે ખાઓ તે દરેક વાનગીમાં કેરી નાખો. તેથી જ ભારતીયો કેરીની ચટણી, કેરીના સલાડ, મેંગો કુલ્ફી (ભારતીય આઈસ્ક્રીમ) અને મેંગો લસ્સી (દહીંનું પીણું) બનાવે છે. તેઓ કેરીને સૂકવે છે, કઢીમાં નાખે છે, બ્રેડમાં ભરે છે. પણ સૌથી સારી સાદી કેરી છે.

   વલસાડની (ગુજરાતમાં) કેરી અન્ય કરતા વધુ પ્રખ્યાત કેમ?

       વિશ્વના કુલ ફળ ઉત્પાદનમાં 11% હિસ્સા સાથે ચીન પછી ભારત 49.8 મિલિયન ટન ફળોનું ઉત્પાદન કરીને સમગ્ર વિશ્વમાં બીજા સ્થાને છે. ટોચના દસ કેરી ઉત્પાદક દેશોમાં કેરીના વિશ્વ ઉત્પાદનમાં સૌથી વધુ 44 ટકા હિસ્સા સાથે ભારત પ્રથમ ક્રમે છે. ભારતમાં ઉત્તર પ્રદેશ, બિહાર, આંધ્રપ્રદેશ, કર્ણાટક, તમિલનાડુ, મહારાષ્ટ્ર અને ગુજરાત મહત્વના કેરી ઉત્પાદક રાજ્યો છે. ગુજરાતમાં કેરીનું ઉત્પાદન મુખ્યત્વે આઠ જિલ્લાઓમાં થાય છે જે રાજ્યના કેરીના ઉત્પાદનના 83.00 ટકાને આવરી લે છે, જેમાંથી રાજ્યના દક્ષિણ પૂર્વ ભાગમાં વલસાડ જિલ્લો સૌથી વધુ કેરીના વાવેતર હેઠળનો વિસ્તાર ધરાવે છે. 

કેરી ભારત દેશનું રાષ્ટ્રીય ફળ છે. આ ફળ ભારતના દરેક રાજ્યોમાં જોવા મળે છે. આ ફળ આંબાના ઝાડ પર થાય છે. આ ફળ કાચું હોય ત્યારે સ્વાદમાં ખાટું લાગે છે, જ્યારે બરાબર પાકી જાય ત્યારે મધુર લાગે છે. આ ફળ ચૂસીને, કાપીને અથવા તેનો રસ કાઢીને ખાઈ શકાય છે. કેરીમાંથી જાતજાતના અથાણાં‌ તથા મુરબ્બો બંને છે.કાચી તેમજ પાકી કેરીમાંથી ચોકલેટ પણ બને છે. કેરીના રસનો ઉપયોગ ઠંડા પીણાં, આઈસ્ક્રીમ, શ્રીખંડ, મઠો, લસ્સી, જ્યુસ, મિલ્ક શેક, વગેરેમાં થાય છે. કેરીના બીજને 'ગોટલો' કહે છે. તે દ્વિદળી બીજ છે. તેનો ઉપયોગ ઔષધી તરીકે થાય છે. તેને શેકીને નાનાં નાનાં ટુકડા કરી મુખવાસ તરીકે ખવાય છે. કેરીનાં ગોટલા પરથી હિન્દીમાં आम के आम गुटली के दाम  કહેવત પણ બની છે.

કેરી ખાવામાં ઉત્તમ હોય તો તે 'દેશી કેરી' છે.તેનો રસ પચવામાં હલકો હોય છે. દેશી કેરી ઘણા પ્રકારની હોય છે. વિસ્તાર પ્રમાણે તેને અલગ અલગ નામથી ઓળખવામાં આવે છે.

     આજનાં વર્તમાન સમયમાં કુદરત પણ ખેડૂતોને સાથ આપતો નથી! ખરાબ હવામાનને કારણે કેરીનું ઉત્પાદન ઓછું થતું જાય છે. કેરીનાં સારા ઉત્પાદન માટે ખેડૂતોએ દવા પાછળ સારો એવો ખર્ચ કરવો પડે છે. 

ખેરગામ કેરી માર્કેટ દક્ષિણ ગુજરાતનું મહત્વનું માર્કેટ યાર્ડ ગણાય છે. આ માર્કેટમાંથી દેશના અલગ અલગ રાજ્યોમાં નિકાસ કરવામાં આવે છે.

ખેરગામ તાલુકાના આજુબાજુ વિસ્તારની વાડીઓમાં નીચેના પ્રકારની કેરીઓ જોવા મળે છે. 

                           કેસર કેરી

હાફૂસ કેરી 

લંગડો કેરી

રાજાપૂરી
તોતાપૂરી
દશેરી
પાયરી
સરદાર
નીલમ
આમ્રપાલી
બેગમપલ્લી
વનરાજ
નિલ્ફાન્સો
જમાદાર
મલ્લિકા
દાડમ 
 બદામી
દાડમીયો