નવસારી તાલુકા પંચાયત દ્વારા પ્રાથમિક શાળાઓ માટે બે દિવસીય રમતોત્સવનું આયોજન "નવસારી તાલુકા પંચાયત દ્વારા પ્રાથમિક શાળાઓ માટે બે દિવસીય રમતોત્સવનું આયોજન કરાયું." નવસારી, 23 ડિસેમ્બર 2024 – નવસારી તાલુકા પંચાયત દ્વારા નવસારી તાલુકાની પ્રાથમિક શાળાના બાળકો અને શિક્ષકો માટે બે દિવસીય રમતોત્સવનું આયોજન 23 અને 24 ડિસેમ્બર, 2024ના રોજ કસ્બાપાર ક્રિકેટ મેદાનમાં કરવામાં આવ્યું છે. આ રમતોત્સવનું ઉદ્ઘાટન માનનીય નવસારી ધારાસભ્યશ્રી રાકેશભાઈ દેસાઈના હસ્તે કરવામાં આવ્યું હતું. ધોરણ 1 થી 5ના બાળકો માટે 100 મીટર દોડ, લીંબુ ચમચી, દેડકા દોડ અને સ્ટેન્ડિંગ બ્રોડ જમ્પ જેવી રમતોનું આયોજન કરવામાં આવ્યું છે. ધોરણ 6 થી 8ના વિદ્યાર્થીઓ માટે 100 મીટર દોડ, લાંબી કૂદ, ગોળાફેંક, ખો-ખો, કબડ્ડી અને ક્રિકેટ જેવી રમતો યોજાઈ છે. તદુપરાંત, શિક્ષકો માટે 100 મીટર દોડ, ગોળાફેંક, ચક્રફેક અને સ્ટેન્ડિંગ બ્રોડ જમ્પ જેવી રમતોનું આયોજન કરાયું છે. શાળા, કેન્દ્ર અને વિભાગ કક્ષાએ વિજેતા ખેલાડીઓ આગળની સ્પર્ધાઓમાં ભાગ લેશે. આ રમતોત્સવનો ઉદ્દેશ્ય બાળકોમાં શારીરિક તંદુરસ્તી અને સંસ્કારી સ્પર્ધાત્મક ભાવના વિકસાવવી છે. બાળકો...
Valsad: પિતાએ ઠપકો આપતા ઘર છોડી ગયેલી વલસાડની યુવતીને અભયમની ટીમે પરત માતા પિતાને સોંપી
અજાણ્યા રાહદારીએ યુવતી સાથે દુઃખદ ઘટના બને તે પહેલા ૧૮૧ પર કોલ કરી સતર્કતા દાખવી
માહિતી બ્યુરોઃ વલસાડ, તા. ૨૪ જૂન
વલસાડ તાલુકાના એક ગામમાં રહેતી ૨૭ વર્ષીય યુવતીને એક અજાણ્યા રાહદારીએ રસ્તા ઉપર નિઃસહાય અને દુઃખી હાલતમાં બેઠેલી જોઈ હતી. આ યુવતી સાથે કોઇ દુઃખદ ઘટના ન બને તેથી રાહદારીએ મદદ માટે ૧૮૧ અભયમ મહિલા હેલ્પલાઇન પર કોલ કર્યો હતો. જેથી અભયમની ટીમે સ્થળ પર પહોંચી કાઉન્સેલિંગ કરતા યુવતીએ તેનું નામ સરનામું જણાવી દુઃખ વ્યક્ત કર્યુ કે, મારી ઉંમર ૨૭ વર્ષની થઈ ગઈ છે પરંતુ હજુ સુધી લગ્ન થયા નથી. પિતા કડક સ્વભાવના હોવાથી નાનો મોટો ઠપકો આપતા રહે છે. આજે પણ ઝગડો કર્યો હતો જેથી મન દુઃખ થતા પોતે ઘર છોડી નીકળી આવી હતી. અભયમની ટીમે સમજાવતા કહ્યું કે, ઘર છોડી નીકળી જવાથી કોઇ પણ મોટી દુર્ઘટના સર્જાઇ શકે છે જેથી યુવતીને તેના સરનામે લઇ જઈ માતા પિતાને સોંપી હતી અને માતા પિતાને પણ પોતાની દીકરીને સમજવા માટે કાઉન્સેલિંગ કરવામાં આવ્યું હતું. આમ, ૧૮૧ અભયમ મહિલા હેલ્પલાઇન ટીમ દ્વારા યુવતીને સુરક્ષિત તેના માતા-પિતાને સોંપવામાં આવી હતી.
પિતાએ ઠપકો આપતા ઘર છોડી ગયેલી વલસાડની યુવતીને અભયમની ટીમે પરત માતા પિતાને સોંપી ---- અજાણ્યા રાહદારીએ યુવતી સાથે...
Posted by INFO Valsad GOV on Monday, June 24, 2024
Comments
Post a Comment