માનવભક્ષી દીપડાની ઝડપથી ધરપકડ: વન વિભાગની ત્વરિત કામગીરી

  માનવભક્ષી દીપડાની ઝડપથી ધરપકડ: વન વિભાગની ત્વરિત કામગીરી

ધરમપુરના આંબાતલાટ ગામમાં એક માનવભક્ષી દીપડાએ વૃદ્ધાને શિકાર બનાવતા આસપાસના લોકોમાં ભયનો માહોલ ફેલાયો. દીપડાના આક્રમણથી સ્થાનિક લોકોએ સુરક્ષાની માંગણી કરતાં વલસાડ-ડાંગના સાંસદ શ્રી ધવલભાઈ પટેલે વન વિભાગ સાથે સંકલન કર્યું. તત્કાલ વન વિભાગે કાર્યવાહી હાથ ધરી, અને જિલ્લા વહીવટી તંત્ર, પોલીસ વિભાગ તથા ગ્રામજનોના સહકારથી દીપડાને ઝડપી પાડવામાં સફળતા મળી. આ સાથે જ, ધરમપુર ધારાસભ્યશ્રી અરવિંદભાઈ પટેલ  દ્વારા વૃદ્ધાના પરિવારને વન વિભાગ દ્વારા 24 કલાકમાં રૂ. 5,00,000 ની આર્થિક સહાય આપવા માટે તુરંત જ રજુઆત કરવામાં આવી.