વલસાડના આત્મા પ્રોજેક્ટ દ્વારા ખેડૂતોને પ્રાકૃતિક ખેતીની માર્ગદર્શિકા વલસાડ જિલ્લા આત્મા પ્રોજેક્ટ દ્વારા સેન્ટર ઓફ એક્સેલન્સ ચણવઈ ખાતે પ્રાકૃતિક ખેતીની તાલીમ યોજવામાં આવી હતી, જેમાં ૬૦ જેટલા ખેડૂતોએ ભાગ લીધો હતો. આ તાલીમમાં વલસાડ તાલુકાના બ્લોક ટેકનોલોજી મેનેજર કેવલભાઈ પટેલ દ્વારા ખેડૂતોને પ્રાકૃતિક ખેતીની પ્રેક્ટીકલ માહિતી આપવામાં આવી હતી. બાગાયત અધિકારી ડો. વિશાલભાઈ દ્વારા બાગાયત ખાતાની વિવિધ યોજનાઓ વિશે માહિતી આપવામાં આવી હતી. આ તાલીમમાં રાબડા ગામના ખેડૂત શૈલેષભાઈ પટેલે પ્રાકૃતિક ખેતીના પોતાના અનુભવો વિશે ખેડૂતોને માહિતી આપી પ્રાકૃતિક ખેતી કરવા માટે અનુરોધ કર્યો હતો. Gujarat Information CMO Gujarat CollectorValsad Gujarat #prakrutikkheti
સુરખાઈ ખાતે ત્રીદિવસીય ટ્રાઈબલ ટ્રેડ ફેરનું રાજ્યના આદિજાતિ વિકાસ મંત્રીશ્રી ડો. કુબેરભાઈ ડીંડોરના હસ્તે ઉદ્ઘાટન.
સુરખાઈ ખાતે ત્રીદિવસીય ટ્રાઈબલ ટ્રેડ ફેરનું રાજ્યના આદિજાતિ વિકાસ મંત્રીશ્રી ડો. કુબેરભાઈ ડીંડોરના હસ્તે ઉદ્ઘાટન.
નવસારી જિલ્લાના સુરખાઈ ગામે ત્રીદિવસીય ટ્રાઇબલ ટ્રેડ ફેરનું આયોજન કરવામાં આવ્યું છે, જેનું ઉદ્ઘાટન રાજ્યના આદિજાતિ વિકાસ મંત્રીશ્રી ડો. કુબેરભાઈ ડીંડોરના હસ્તે કરવામાં આવ્યું. આ મેળામાં 210થી વધુ સ્ટોલ લગાવવામાં આવ્યા છે, જે આદિવાસી યુવાનોના કૌશલ્ય અને કળાઓનું પ્રદર્શન કરે છે. આ પ્રસંગે મંત્રીશ્રીએ આદિવાસી સમાજના આર્થિક, સામાજિક અને શૈક્ષણિક વિકાસ માટે સરકારશ્રી દ્વારા વિવિધ યોજનાઓ હાથ ધરવામાં આવી રહી હોવાનું જણાવ્યું.
મેળામાં ઔદ્યોગિક તાલીમ, MSME અને રોજગારી પ્રત્યેની જાગૃતતા વધારવા સેમિનારનું પણ આયોજન કરાયું. વલસાડ સાંસદ ધવલ પટેલ, ધારાસભ્ય નરેશભાઇ પટેલ અને ધરમપુર ધારાસભ્ય અરવિંદભાઈ પટેલે આદિવાસી યુવાનોને ઉદ્યોગ અને વ્યાવસાયિક ક્ષેત્રે આગળ વધવા માટે પ્રોત્સાહિત કર્યા.
આ મેળો ૯ થી ૧૦ નવેમ્બર ૨૦૨૪ સુધી ચાલશે, અને આદિવાસી સમાજની સંસ્કૃતિને પુનર્જીવિત કરવાનો મંત્ર સાથે વિવિધ કાર્યક્રમોનું આયોજન કરવામાં આવ્યું છે.
Comments
Post a Comment